حلمت اني مع صديقاتي وذهبنا الي قصر الرئاسه ودخلت علي مكتب السكرتيره وكانت قبلت صحابي للشغل بس لما جيت قبلتني بردوو وبعد كده جت ستات فضلوا يتكلموا معايا عن ايام ما كنت صغيره ووبعدين روحت السكن بتاعي مع زميلاتي واكلت وفجاه لقيتني في مكان ومعايا ست ومجهزاني عشان اكون عروسه للرئيس السيسي وانا مكنتش راضيه خالص بس هاعمل ايه كنت قاعده مستنيه هو المكان دا اصلا في الحقيقه مكان في الجامع عندنا في بلدنا بس دور ارضي والناس بتحفظ فيه قرآنوبعدين فضلت مستنيه طول االليل بس هو مجاش كان طلع في مؤتمر وانا كنت مضايقه انو هو ازاي مجاش وبعد الفجر قررت اني امشي طلعت المسجد من فوق وبصيت علي الناس وبعد كده نزلت لميت شنطتي ومشيت وانا مروحه لقيت الموكب بتاعه جاي رجعت المكان ال كنت فيه تاني واستنيته بس مجاش وقام داخل مكان تاني
استنيت لحد الصبح لقيته عامل مؤتمر والناس كتير قاعده تسمع مكانش فيه فاضي غير كرسي واحد في وسط شويه اطباء رجاله روحت اخدت الكرسي وقعدت عن الستات وفضلت اسمع الخطاب بعد لما خلص اتجمعت مع اهلي وقعدت اتكلم معاهم قام الرئيس نده عليا وقعدت اكلمه انا قعدت علي سلالم المسجد وهو علي كرسي قدامي وفضل يكلمني بطريقه زي الأهل والاقارب ما بيكلموا بعض وفضل يسالني عن احسن مدرس كمياء يودي ابنه عنده بس مجابش سيره ان المفروض امبارح كان يوم زواجنا
وبعدين روحت وقفت مع زوجه الرئيس وفضلت اتكلم معاها بطريقه وديه جدا وبعد ةدا قالتلي انها رايحه المستشفي تعمل عمليه قلتلها اجي معاكي رفضت وجت عربيه اخدتها ومشيت.
أعوان الحاكم
هو رجل يعين الناس على الباطل. ومن رأى في داره أعوان الحاكم فهي بشارة له بنجاة من غم أو مرض أو هول أو شدة، شريطة أن يكون لباسهم أبيض، وإن كان لباسهم أسود فهو مرض أو هم أو غم.
شاهد فيديو التفسير الصحيح