انا سيد وخادم بالعتبه العباسيه بالحقيقه.
حلمت جني داخل لحضرة الامام العباس والحائر الي بي شباك الامام العباس موسعيه وكلش جبير وشفت اكو عائله يتخاصمون الاب شال طفله صغيره وتبجي اخذت الطفله وكتله اني ازورها من غير مكان وام الطفله كمشتني من ايدي وكالت اني ازورها كتلهم انتزروني هنا ازورها واجي اخذت الطفله وطلعت من الحزره وطفله تبجي اريد اسكتها ماكو ودخلت من مكان جاي يرممون بالامام وتوجهت اكو مكان جني اندله وصلت لقبر بس القبر جني شايفه بس مو قبر الامام خفت ادخل الطفله اله كلت خاف تخترع ورجعت وضل بالي كلت شلون جايبه لهنه واكول خاف تخترع اعتذرت وزليت امشي وشفت قاعات واني جو ما اذكر شنو اكلت واكو ثنين يباوعون واني جني لابس عمامه خضره مدري جفيه وهيبه وسئلني واحد كلي انت مو تشتغل بالمزاد كتله لا فكل الصاحبه شفته ياسبحان الله كلش يشبه وطلعت وضلت امشي حيل كلت تأخرت عليهم تقريبا ب3ساعات وطفله نايمه ومرتاحه واني مطمئن قلبي كلت صارت زينه خلي ابشرهم ودخلت من باب الامام متوجه للصحن فبالباب لكيت شخص انطيته الطفله كلت هذا مو ابوها اخذت الطفله منعنده وكتله ابو الطفله وين كال جوه يدور عليك واكو مره اخذت الطفله يمكن امها واخذت الطفله والباب ازدحام كلش من دخلت للصحن الطفله ماهيه عندي وذليت بموقف يرثى له وكلت شراح اكلهم واني ماخذ الطفله وشافني ابوها من بعيد وكال اجه هذا الناقص وصاح اليوم اخسرك مليون ونص كلت هسه هذا شراح اكله رجعت على العلاقات قاعه كلت اكوسيد ارح عليه وهو يحلها فمن ردت ادخل من الباب عندي المفاتي جاي افتح بالباب صاح عليه باسمي واتوجه عليه اني دخلت وسديت الباب لكيت قاعات دخلت للقاعه لكيت هم اكو ناس منتضرين السيد ونوب كال ابو الاستعلامات السيد الجدول مالته يروح للقاعه الثانيه عنده مجلس كلت اروحله واكله وحتى لو انفصل ليو ياخذون راتبي ماكو مشكله دخلت للقاعه الثانيه لكيت سيد معمم كاعد على المنبر واكو ناس كاعدين وطلعت مالكيت السيد الي جاي عليه وطلعت من القاعه لكيت شخص اعرفه بالحقيقه جنه صاير منتسب بالامام وكتله لكو الطفله كال ياطفله هسه صايره هوسه كتله خير كال اكو مره منتحره كتله وين كال بنقطه قريبه على الامام العباس راح واني ضليت بشك خاف ام الطفله انتحرت وطلعت للصحن وشفت ابوها بالصحن يبجي ويخرمش بخدوده بس مايطلع دم وتوجهت للامام كتله بالله وبيك يا ابو فاضل اريدك تحلها وادري بيك متقصر وفزيت من النوم....
14$
** رؤيا ابن عباس في قتل الحسين .
عن أبن عباس -رضي الله عنهما- قال: رأيت النبي صلى الله عليه وسلم في المنام بنصف النهار أشتعث أغبر معه قارورة فيها دم
يلتقطه أو يتتبع فيها شيئا قال: قلت: يارسول الله ماهذا؟ قال: (دم الحسين وأصحابه لم أزل أتتبعه منذ اليوم) .
قال عمار أحد رواة الحديث: فحفظنا ذلك اليوم فوجدناه قتل ذلك اليوم .
شاهد فيديو التفسير الصحيح