تفسير حلمت اني كنت في السعودية في المنام

انا حلمت حلم اني في السعودية عند حد اعرفه واختي كلمتني في الفون وقالتلي خالتك بتقول عليكي انو فيه حاجه بينك وبين ابنها وانك مش بنت طبعا انا اتصدمت في الحلم ونزلت ر وروحت علي طول علي بيت خالتي وقعدت ازعق وشتمتها كتير وكنت ماسكه السكينه وكنت عاوزه اقتل ابنها وانا بقولها هو انتي عارفه انو ابنك بيعمل الحاجات الوسخه دي وعاوزه تلبسيها ليا وعماله اعيط وبقول والله معدتش جايه عندك تاني ومش هخلي ماما تيجي عندك تاني واخويا كان هناك وكان دق خالتي وقالي هنروح نعمل كشف عذريه ولو طلعت مش بنت نخليهم يكتبو كتب الكتاب طبعا انا اتصدمت وكنت بعيط بحرقه اوي روحت انا واخويا كشفنا الدكتور قال هي بنت بس فيه حاجه ضاغطه علي الرحم هنعوز نشيل الرحم روحت انا واخويا علي بيتنا بقا روحت عند ماما وعيط عياط كتير اوب لدرجه اني لما صحيت من الحلم عنيا كانت حمرا ومليانه دموع ملاحظه خارج الحلم انا وخالتي علاقتنا حلوه اوي مع بعض بنتعامل كاصحاب واخويا فعلا فيه الحقيقه لو هي قالت كدا هيصدقها ابن خالتي بقا هو بيعمل حاجات زي كدا اصلا