تفسير ثعبان ودهب في المنام

حلمت انى ماشية مع واحدة كانت زميلتي فى الشغل اسمها بوسى ولقيت فلوس ورق وكل شوية اوطى أخد حاجة وانا بقول لنفسى حعطى صحبيتى جزء من الفلوس وكنا رايحين على مكان مساكن فى ناس كتير او جمب مدرسة وانا لقيت زى كيس أبيض شفاف مفتوح وخارج منه ورقى ومكتوب فيه ان ليه بقيت فلوس فانا قولت لبوسى شوفتى الفلوس إللى لقتها دى بتاعتى وروحت عند جدتى لقيت صندوق فى تعابين صغيرة وفى ثعباين برأسين وجدتى بتبعد خايفة وانا بطبطب عليها وهيه فى الحقيقى متوفية وبعد كده روحت انا وماما محل الدهب عشان ماما كانت مشتراية لاختى انسيرال وخاتم ودبله عريضة زى المحبس بسعر 165 جنيه وقالت لاختى روحى اشترى بسعر أقل وهيه قالتلها مفيش وفعلا لما روحنا مالقناش طقم تلات قطع كدة و أنا جربت فى أيدى الدبله العريضة لونها ابيض وبعد كدة قولت لماما لاء دى حتكون كبيرة اوى على اختى قالتلى اه خلاص احنا ناخذ إلطقم إللى هية كانت مختراه وقالتلى حطية فى شنطتها من غير ما تعرف أننا اخذناه نغيره